နတၢ်အိၣ်ခူသူၣ် အခွဲးအယာ်
မုၢ်နံၤလၢ တၢ်မၤသီထီၣ်အီၤ လီၣ်ခံကတၢၢ် - မးရှး ၉, ၂၀၂၃
တၢ်အိၣ်ခူသူၣ် အတၢ်ပာ်ဖျါ
တၢ်အိၣ်ခူသူၣ်အခွဲးအယာ် အတၢ်ပာ်ဖျါ (“တၢ်ပာ်ဖျါ”) အံၤ ၡဲလဲဝဲ ဒ်လဲၣ် Ramsey County, Washington County, ဒီး Ramsey/Washington Recycling & Energy (ပာ်ဖှိၣ် “ပဝဲ” မ့တမ့ၢ် “ပ”) ထၢ ဒီး ရဲၣ်ကျဲၤ ပှၤတဂၤစုာ်စုာ်အတၢ်ဂ့ၢ်တၢ်ကျိၤ လၢတၢ်ထၢန့ၢ်အီၤလၢနအိၣ် ဖဲနလဲၤအိၣ်သကိး FoodScrapsPickup.com (“ဝဲဘ်ဆY”) အဆၢကတီၢ်, ဒီးဖဲ တၢ်ဟ့ၣ်လီၤ တၢ်အီၣ်အဘျဲၣ်အစဲၤတၢ်ထၢ တၢ်ရဲၣ်တၢ်ကျဲၤ (“တၢ်မၤစၢၤတဖၣ်”) အဆၢကတီၢ်န့ၣ်လီၤ. လၢ တၢ်ပာ်ဖျါ အံၤအဂီၢ်, “ပှၤတဂၤစုာ်စုာ် အတၢ်ဂ့ၢ်တၢ်ကျိၤ” အခီပညီမ့ၢ်ဝဲ “ပဒိၣ်အတၢ်ဂ့ၢ်တၢ်ကျိၤခဲလၢာ် လၢပှၤတဂၤဂၤ တၢ်သ့ၣ်ညါအီၤ မ့တမ့ၢ် တၢ်ပာ်ဖျါထီၣ်အီၤ ဒ်အမ့ၢ် ပှၤလၢဘၣ်ဃးဒီးတၢ်ဂ့ၢ်တၢ်ကျိၤအံၤ, မ့တမ့ၢ်လၢ မံၤ အတၢ်အိၣ်ဖျါထီၣ် မ့တမ့ၢ် တၢ်ဂ့ၢ်တၢ်ကျိၤလၢအဒုးသ့ၣ်ညါပှၤဂၤတဖၣ် တၢ်ပာ်ဖျါအီၤ ဖျါဖျါ လၢအမ့ၢ်ထဲ တၢ်ဘၣ်ကွၢ်ဆၢ လၢတၢ်ဂ့ၢ်တၢ်ကျိၤအပူၤ ဒီး တၢ်ဂ့ၢ်တၢ်ကျိၤတဖၣ်န့ၣ် တၢ်တနုာ်ကွၢ်အီၤလၢ ပှၤတဂၤဂၤ အမံၤ မ့တမ့ၢ် တၢ်ဂ့ၢ်တၢ်ကျိၤလၢ တၢ်ဒုးသ့ၣ်ညါပှၤဂၤတဖၣ်ဘၣ်.”
နအိၣ်ဒီး တၢ်ဂ့ၢ်တၢ်ကျိၤခူသူၣ် အခွဲးအယာ်ဖဲ မံနံးစိထါ ပဒိၣ်အတၢ်ဂ့ၢ်တၢ်ကျိၤ အတၢ်မၤကျဲသိၣ်သီ (Minnesota Government Data Practices Act) အဖီလာ် ဒီး ဘၣ်သ့ၣ်သ့ၣ် တၢ်သိၣ်တၢ်သီ, တၢ်ဘျါ, ဒီး တၢ်ပၢဆှၢရဲၣ်ကျဲၤ အဂၤတဖၣ်အဖီလာ်န့ၣ်လီၤ. တၢ်သိၣ်တၢ်သီတဖၣ်အံၤ လိၣ်ဘၣ်လၢ ပကဘၣ်ပာ် နနီၢ်ကစၢ်အတၢ်ဂ့ၢ်တၢ်ကျိၤ တနီၤလၢ တၢ်ခူသူၣ်အပူၤ ဒီး ဟ့ၣ်နၤလၢ တၢ်ဟ့ၣ်ပလီၢ် ဘၣ်ဃးဒီး ပတၢ်မူဒါလၢတၢ်သိၣ်တၢ်သီအဖီလာ် ဒီး တၢ်မၤကျဲတဖၣ် ဒ်သိးကဒီသဒၢ နနီၢ်ကစၢ်အတၢ်ဂ့ၢ်တၢ်ကျိၤ လၢအအိၣ်ခူသူၣ် ဒီး တၢ်ပာ်ခူသူၣ်အီၤတဖၣ်အဂီၢ်န့ၣ်လီၤ. ပကဘၣ်လူၤပိာ်ထွဲ တၢ်ဘျါတဖၣ်လၢ ပအၢၣ်လီၤတူၢ်လိာ်တ့ၢ်လၢ တၢ်ဟ့ၣ်ပလီၢ်အံၤအပူၤန့ၣ်လီၤ. ပပာ်ဃာ်အခွဲးအယာ် ဒ်သိးကဆီတလဲ တၢ်ဟ့ၣ်ပလီၢ်အံၤ အတၢ်ဘျါတဖၣ် ဒီး သူတၢ်ဆီတလဲတဖၣ်အံၤ လၢနနီၢ်ကစၢ်အတၢ်ဂ့ၢ်တၢ်ကျိၤ ခဲလၢာ် လၢပထီၣ်ဖှိၣ်ဃာ်ဘၣ်ဃးဒီးနၤ ဖဲခဲအံၤ ဒီး ခါဆူညါအဂီၢ်, လဲၤဆဲးလၢ တၢ်မ့ၢ်တြီဃာ်အီၤလၢ မံနံးစိထါ ပဒိၣ်အတၢ်ဂ့ၢ်တၢ်ကျိၤ အတၢ်မၤကျဲသိၣ်သီအဖီလာ်န့ၣ်လီၤ.
တၢ်ဟ့ၣ်ပလီၢ်အံၤ ပာ်ဖျါဝဲ ဒ်လဲၣ် ပသူ မ့တမ့ၢ် ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ, ပၣ်ဃုာ်ဒီး တၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတဖၣ်, တၢ်ဂ့ၢ်တၢ်ကျိၤအံၤ ဘၣ်တၢ်နီၤဟ့ၣ်အီၤဒီး ပှၤမနုၤတဖၣ်လဲၣ်, ဒီး တၢ်ဒီသဒၢ အတၢ်ရဲၣ်တၢ်ကျဲၤလၢ ပပာ်လီၤဃာ်အီၤ ဒ်သိးကဒီသဒၢအီၤအဂီၢ်န့ၣ်လီၤ. အံၤပာ်ဖျါစ့ၢ်ကီး နအခွဲးအယာ် ဒ်သိးကလဲၤနုာ်ကွၢ် ဒီး ဆီတလဲ နနီၢ်ကစၢ်အတၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတဖၣ်န့ၣ်လီၤ. နအိၣ်ဒီးအခွဲးအယာ် ဒ်သိးကအၢၣ်လီၤ မ့တမ့ၢ် တူၢ်ဆါ တၢ်နီၤဟ့ၣ် နနီၢ်ကစၢ်အတၢ်ဂ့ၢ်တၢ်ကျိၤတနီၤ, လဲၤဆဲးလၢ ဖဲတၢ်နီၤဟ့ၣ်အံၤ မ့ၢ်တၢ်လၢ တၢ်သိၣ်တၢ်သီ မ့တမ့ၢ် တၢ်ပၢဆှၢရဲၣ်ကျဲၤ လိၣ်ဘၣ်အီၤ မ့တမ့ၢ် ဟ့ၣ်အခွဲးအခါန့ၣ်လီၤ.
တၢ်စူးသန့အနီၣ်ဂံၢ်တဖၣ်ဆူ ပှာ်ယဲၤသန့အဂၤတဖၣ်လၢ ပှာ်ယဲၤသန့အံၤအဖီခိး
ပှာ်ယဲၤသန့အံၤ အိၣ်ဒီးတၢ်စူးသန့အနီၣ်ဂံၢ်တဖၣ် ဆူပှာ်ယဲၤသန့အဂၤတဖၣ်, ပၣ်ဃုာ်ဒီး ပှာ်ယဲၤသန့လၢ ပဒိၣ်ဝဲၤကျိၤတဖၣ်, တၢ်ကရၢကရိလၢတဃုဘျုးဃုဖှိတဖၣ်, ဒီး နီၢ်ကစၢ်တၢ်မၤတဖၣ် ဟံးမူဒါပၢဆှၢဝဲန့ၣ်လီၤ. တၢ်ပၣ်ဃုာ် ပှာ်ယဲၤသန့တခါခါန့ၣ် တမ့ၢ်တၢ်ဆီၣ်ထွဲ မ့တမ့ၢ် တၢ်ပာ်ထီၣ်လၢ အမ့ၢ်တၢ်တီတၢ်လိၤ ဘၣ်ဃးဒီးအီၤဘၣ်.
ဖဲနလူၤပိာ်ထွဲ တၢ်စူးသန့အနီၣ်ဂံၢ် (link) ဆူပှာ်ယဲၤသန့အဂၤတခါအခါ, နတအိၣ်လၢ ပှာ်ယဲၤသန့ (Site) အံၤအဖီခိၣ်လၢၤဘၣ် ဒီး တၢ်ဟ့ၣ်ပလီၢ် (Notice) အံၤ စ့ၢ်ကီး တဘၣ်ဃးဒီးနၤလၢၤဘၣ်. နကဘၣ်လူၤပိာ်ထွဲ တၢ်ဂ့ၢ်တၢ်ကျိၤခူသူၣ် အတၢ်သိၣ်တၢ်သီ မ့တမ့ၢ် တၢ်ဟ့ၣ်ပလီၢ် လၢအအိၣ်လၢ ပှာ်ယဲၤသန့ အဝဲန့ၣ်အဖီခိၣ်န့ၣ်လီၤ.
တၢ်အၢၣ်လီၤတူၢ်လိာ်လၢ တၢ်ဒိးန့ၢ်ဘၣ် တၢ်ဟ့ၣ်ပလီၢ်အံၤ
နကဘၣ်တၢ်ဃ့နၤ ဒ်သိးကဟ့ၣ်တၢ်ဆဲးလီၤမံၤ ဒ်သိးကအၢၣ်လီၤတူၢ်လိာ်လၢ နဒိးန့ၢ်ဘၣ် တၢ်ဟ့ၣ်ပလီၢ်အံၤန့ၣ်လီၤ. ပတၢ်ပညိာ်မ့ၢ်ဝဲ ဒ်သိးနကသ့ၣ်ညါဘၣ်ဃး တၢ်သူ ဒီး တၢ်ပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်ဒီသဒၢအီၤ ဒီး နနီၢ်ကစၢ်အတၢ်ခူသူၣ် အခွဲးအယာ်တဖၣ်န့ၣ်လီၤ. တၢ်ဟ့ၣ်နၤလၢ တၢ်မၤစၢၤ (Services) တဖၣ်န့ၣ် တဒိးသန့ၤထီၣ်အသးလၢ နတၢ်ဆဲးလီၤမံၤ အၢၣ်လီၤတူၢ်လိာ်အဖီခိၣ် နီတဘျီဘၣ်. နမ့ၢ်တဆဲးလီၤမံၤ အၢၣ်လီၤတူၢ်လိာ်ဘၣ်ဆၣ်, ပကဆဲးဟ့ၣ်နၤလၢ တၢ်မၤစၢၤ (Services) ဒ်တၢ်ပာ်ဖျါအီၤလၢ တၢ်ဟ့ၣ်ပလီၢ်အံၤအပူၤ, ဒီး ပကသူ မ့တမ့ၢ် ပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်ဒီသဒၢအီၤ လၢတၢ်ကူစါယါဘျါ, တၢ်ဟ့ၣ်စ့, ဒီး တၢ်မၤကျဲတဖၣ်အဂီၢ် ဖဲအလိၣ်ဘၣ်အခါန့ၣ်လီၤ.
ပထီၣ်ဖှိၣ် နနီၢ်ကစၢ်အတၢ်ဂ့ၢ်တၢ်ကျိၤ မနုၤတဖၣ်လၢနအိၣ်လဲၣ်?
ဖဲနဟဲအိၣ်သကိး ပှာ်ယဲၤသန့ (Site) ဒီး သူတၢ်မၤစၢၤ (Services) အခါ, ပလိၣ်ဘၣ်လၢ ပကထီၣ်ဖှိၣ် နနီၢ်ကစၢ်အတၢ်ဂ့ၢ်တၢ်ကျိၤ တနီၤလၢ အမ့ၢ်တၢ်ခူသူၣ် ဒီး တၢ်ပာ်ခူသူၣ်အီၤ အကလုာ်န့ၣ်လီၤ. နဟ့ၣ် နနီၢ်ကစၢ် အတၢ်ဂ့ၢ်တၢ်ကျိၤတဖၣ်န့ၣ် ဆူပအိၣ် ခီဖျိ တၢ်မၤနီၣ်မၤဃါ (signing up) လၢတၢ်မၤစၢၤတဖၣ်အဂီၢ် ဖဲပှာ်ယဲၤသန့အဖီခိၣ်န့ၣ်လီၤ. တကးဒံးဘၣ်, နဃုထၢသ့ ဒ်သိးကဟ့ၣ်ပှၤလၢ နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်သူၣ်အိၣ်သးအိၣ်အပူၤ ခီဖျိ အံၤမိးလ(လ်) (email) မ့တမ့ၢ် တၢ်ကွဲးလံာ်ဆဲးကျိးအဂၤတဖၣ်န့ၣ်လီၤ. ပဃ့ထီၣ် နနီၢ်ကစၢ်အတၢ်ဂ့ၢ်တၢ်ကျိၤ ဖဲအဖီလာ်တဖၣ်အံၤ လၢနအိၣ်လီၤ-
- နမိမံၤ, ဟံၣ်ဖိဃီဖိအမံၤ, အိၣ်ဆိးတၢ်လီၢ်, ဒီး လီတဲစိအနီၣ်ဂံၢ်;
- နအံၤမိးလ(လ်) (Email address), နအဲးခီၣ်အတၢ်နုာ်လီၤအနီၣ်ဂံၢ်ခူသူၣ် (Account password), ဒီး နတၢ်ပာ်မၤအတၢ်စံၣ်စိၤတဲစိၤ (Order history);
- နနီၢ်ကစၢ် အဂ့ၢ်အကျိၤ (demographics), ဟံၣ်ဖိဃီဖိ အကလုာ်, ပှၤနီၣ်ဂံၢ် လၢအအိၣ်ဆိးလၢ နဟံၣ်ပူၤ, နကလုာ် ဒီး/မ့တမ့ၢ် နအခီၣ်ထံး အတၢ်ဆဲးတၢ်လၤ, ဒီး သးနံၣ်; ဒီး
- နနၢ်ဟူဘၣ်ဃး တၢ်မၤစၢၤ (Services) တဖၣ်အံၤအဂ့ၢ် ဒ်လဲၣ်န့ၣ်လီၤ.
ဝဲၤကွၢ်ဒီးသ့ၣ်ညါဘၣ်- လဲၤဆဲးလၢ တၢ်သိၣ်တၢ်သီ မ့တတြီဃာ်အီၤဘၣ်န့ၣ်, တၢ်ကွဲးလံာ်ဆဲးကျိးခဲလၢာ် ဆူပအိၣ် ဒီး လၢပအိၣ်ထီၣ်, ပၣ်ဃုာ်ဒီး တၢ်ဂ့ၢ်တၢ်ကျိၤ လၢတၢ်ဆှၢထီၣ်အီၤ ခီဖျိ ပှာ်ယဲၤသန့ (Site) မ့တမ့ၢ် အံၤလဲးထြီနံး လံာ်ကရၠာီ (electronic forms) တဖၣ်န့ၣ် ကဲထီၣ် တၢ်ဂ့ၢ်တၢ်ကျိၤလၢအမ့ၢ် ပှၤဂီၢ်မုၢ်တၢ် လၢအဘၣ်ဃးဒီး မံနံးစိထါ ပဒိၣ်အတၢ်ဂ့ၢ်တၢ်ကျိၤ အတၢ်မၤကျဲသိၣ်သီ (Minnesota Governmental Data Practices Act) ဒီး/မ့တမ့ၢ် ဘၣ်သ့ၣ်သ့ၣ် ကဘၣ်တၢ်ပာ်ဖျါထီၣ်အီၤ ဆူပှၤဂၤတၢ်ကရၢကရိ (third parties) အအိၣ်န့ၣ်လီၤ.
ဘၣ်မနုၤအဃိ ပဃ့နနီၢ်ကစၢ်အတၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတဖၣ်လဲၣ်?
ပဘၣ်သ့ၣ်သ့ၣ် ကဃ့နၤလၢ နနီၢ်ကစၢ်အတၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတနီၤ ဒ်သိးပက-
- ဒ်သိးကသိၣ်ဖျါထီၣ်နၤ လၢပှၤအဂၤလၢအမံၤတံာ်ဃီ မ့တမ့ၢ် အမံၤလီၤဂာ်လိာ်သးတဖၣ်အကျါန့ၣ်လီၤ;
- ဆၢတဲာ် မ့ၢ်နဒိးန့ၢ် တၢ်မၤစၢၤတဖၣ် လၢပအိၣ် သ့ဧါန့ၣ်လီၤ;
- ဆၢတဲာ်ဘၣ်ဃးဒီး တၢ်မၤစၢၤ အကလုာ်မနုၤလဲၣ် မ့တမ့ၢ် တၢ်မၤစၢၤ နကဒိးန့ၢ်ဘၣ် အပှဲၤလဲၣ်န့ၣ်လီၤ;
- ဒ်သိးကဟ့ၣ်နၤလၢ တၢ်မၤစၢၤတဖၣ် လၢနဃ့ထီၣ်ဝဲန့ၣ်လီၤ;
- ဒ်သိးကမၤလီၤတံၢ်လၢ နကဒိးန့ၢ် တၢ်ဘျုးတၢ်ဖှိၣ်လၢအပှဲၤ လၢတၢ်မၤစၢၤ (Services) အပူၤ;
- ဒ်သိးကမၤ တၢ်ပာ်ဖျါတဖၣ်, မၤတၢ်ဃုသ့ၣ်ညါ, ကွၢ်သမံသမိး, ဒီး သမံသမိးပာ်ပနီၣ် ပှာ်ယဲၤသန့ (Site) ဒီး တၢ်မၤစၢၤ (Services) တဖၣ်;
- ဒ်သိးကဟ့ၣ်တၢ်ဂ့ၢ်တၢ်ကျိၤ လၢပတၢ်အီၣ်ဖှဲၣ် တၢ်ပၢဆှၢရဲၣ်ကျဲၤ အတၢ်ရဲၣ်တၢ်ကျဲၤတဖၣ်အဂီၢ်န့ၣ်လီၤ.
နကဘၣ်ဟ့ၣ်ပှၤလၢ နနီၢ်ကစၢ်အတၢ်ဂ့ၢ်တၢ်ကျိၤ တမံၤမံၤဧါ?
တမ့ၢ်ဘၣ်, နတလိၣ်ဟ့ၣ်ဘၣ် ပှၤလၢတၢ်ဂ့ၢ်တၢ်ကျိၤ တမံၤမံၤဘၣ်. ဘၣ်ဆၣ်, ဒ်သိးကသူ ပှာ်ယဲၤသန့ (Site) ဒီး ဒိးန့ၢ်တၢ်မၤစၢၤ (Services) တဖၣ်အဂီၢ်, နကဘၣ်ဟ့ၣ် နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်ပာ်ပနီၣ်ဃာ်အီၤလၢ "တၢ်လိၣ်ဘၣ်" (required) ဖဲတၢ်မၤစၢၤ အတၢ်မၤနီၣ်မၤဃါအလံာ်ကရၠာီ (sign-up page) အဖီခိၣ်, လၢအကျါတနီၤန့ၣ် မ့ၢ်တၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတဖၣ်လီၤ.
နမ့ၢ်တဟ့ၣ်ဘၣ် နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်ဃ့ထီၣ်ဝဲန့ၣ် မနုၤကကဲထီၣ်ဝဲလဲၣ်?
ပလိၣ်ဘၣ် နနီၢ်ကစၢ်အတၢ်ဂ့ၢ်တၢ်ကျိၤ လၢအမ့ၢ် "တၢ်လိၣ်ဘၣ်" တနီၤ ဘၣ်ဃးဒီးနၤ ဒ်သိးကပၢဆှၢရဲၣ်ကျဲၤ ဒီး ဟ့ၣ်နၤလၢ တၢ်မၤစၢၤ (Services) တဖၣ်အဂီၢ်န့ၣ်လီၤ. တၢ်ဂ့ၢ်တၢ်ကျိၤ အကရူာ်လၢအအိၣ်ဖဲအဖီလာ်တဖၣ်အံၤ မ့ၢ်တၢ်လၢပလိၣ်ဘၣ်လၢနအိၣ် နမ့ၢ်အဲၣ်ဒိးဒိးန့ၢ် တၢ်မၤစၢၤတဖၣ်န့ၣ်လီၤ-
- မိမံၤ, ဟံၣ်ဖိဃီဖိအမံၤ, အိၣ်ဆိးတၢ်လီၢ်;
- အံၤမိးလ(လ်) (Email);
- အဲးခီၣ် တၢ်ခူသူၣ်အတၢ်နီၣ်;
- တၢ်မၤလိာ်အတၢ်စံၣ်စိၤတဲစိၤ
တၢ်ဂ့ၢ်တၢ်ကျိၤအံၤ မ့တအိၣ်ဘၣ်န့ၣ်, ပဟ့ၣ်နၤလၢ တၢ်မၤစၢၤ (Services) တဖၣ်အံၤ တန့ၢ်ဘၣ်. နမ့ၢ်ဟ့ၣ်ပှၤ နနီၢ်ကစၢ်အတၢ်ဂ့ၢ်တၢ်ကျိၤလၢအကမၣ် လၢတၢ်ပညိၣ်အပူၤန့ၣ်, အံၤကကဲထီၣ် တၢ်ဃုသ့ၣ်ညါတၢ် (investigation) ဒီး တၢ်ကပာ်တၢ်ကမၣ်လၢနလိၤ ဘၣ်ဃးဒီး တၢ်လံၣ်တၢ်လီ (fraud) န့ၣ်လီၤ.
ပတၢ်မူဒါလၢနဂီၢ် ဘၣ်ဃးဒီး တၢ်ဂ့ၢ်တၢ်ကျိၤ လၢအအိၣ်ခူသူၣ် မ့တမ့ၢ် တၢ်ပာ်ခူသူၣ်အီၤတဖၣ်
တၢ်ဂ့ၢ်တၢ်ကျိၤ လၢအအိၣ်ခူသူၣ် ဒီး တၢ်ပာ်ခူသူၣ်အီၤတဖၣ်န့ၣ် ပၣ်ဃုာ်ဒီး နီၢ်ကစၢ်အတၢ်ဂ့ၢ်တၢ်ကျိၤ ဒီး ပှၤဂီၢ်မုၢ်အနီၣ်ဂံၢ်နီၣ်ဒိ (demographics) အတၢ်ဂ့ၢ်တၢ်ကျိၤတဖၣ် သ့ဝဲလီၤ- အဒိ, သးနံၣ်, လံာ်ပရၠာီအိၣ်ဆိးတၢ်လီၢ်, ဒီး အံၤမိးလ(လ်) (e-mail) အိၣ်ဆိးတၢ်လီၢ်န့ၣ်လီၤ. ဒ်တၢ်သိၣ်တၢ်သီအသိး ပကဘၣ်မၤ တၢ်ဂ့ၢ်တၢ်ကျိၤလၢအအိၣ်ဖဲအဖီလာ်တဖၣ်အံၤ ဖဲပထီၣ်ဖှိၣ် ဒီး မၤရဲၣ်ကျဲၤ နအတၢ်ဂ့ၢ်တၢ်ကျိၤ လၢအအိၣ်ခူသူၣ် ဒီး တၢ်ပာ်ခူသူၣ်အီၤတဖၣ်အခါန့ၣ်လီၤ-
- မၤလီၤတံၢ်လၢ နအတၢ်ဂ့ၢ်တၢ်ကျိၤ လၢအအိၣ်ခူသူၣ် ဒီး တၢ်ပာ်ခူသူၣ်အီၤတဖၣ်န့ၣ် ကဘၣ်တၢ်ပာ်အီၤလၢ တၢ်ခူသူၣ်အပူၤ, အတီ, အပှဲၤ, ဒီး အဆၢကတီၢ်ဘၣ် လၢတၢ်ပညိၣ်လၢ တၢ်ကွဲးနီၣ်ပာ်ဖှီၣ်အီၤအဂီၢ်န့ၣ်လီၤ.
- ဟ့ၣ်နၤတၢ်ဟ့ၣ်ပလီၢ် ဘၣ်ဃးဒီး ပတၢ်မၤလၢတၢ်သိၣ်တၢ်သီအဖီလာ် ဒီး တၢ်ဂ့ၢ်တၢ်ကျိၤခူသူၣ် အတၢ်မၤကျဲတဖၣ် လၢအဘၣ်ဃးဒီး တၢ်သူ ဒီး တၢ်ပာ်ဖျါထီၣ် နအတၢ်ဂ့ၢ်တၢ်ကျိၤ လၢအအိၣ်ခူသူၣ် ဒီး တၢ်ပာ်ခူသူၣ်အီၤတဖၣ်;
- ဒုးသ့ၣ်ညါနၤ ဖဲနမ့ၢ်ဘၣ်ဒိဘၣ်ထံး ခီဖျိနအတၢ်ဂ့ၢ်တၢ်ကျိၤ တၢ်ပှဲၤဘၢအတၢ်ဘျုး "ဘၣ်တၢ်ဟးဂီၤ" (breach) အခါ, ဒ်တၢ်သိၣ်တၢ်သီလၢအဘၣ်ဃးတဖၣ် ပာ်ဖျါဝဲအသိး;
- လူၤပိာ်ထွဲ တၢ်ဘျါတဖၣ် လၢတၢ်ဟ့ၣ်ပလီၢ်အံၤ အပူၤ လၢအအိၣ်ဒီး တၢ်စိတၢ်ကမီၤ ခဲအံၤ; ဒီး
- ဒုးသ့ၣ်ညါနၤ ဘၣ်ဃးဒီး တၢ်ဆီတလဲ တမံၤမံၤ လၢတၢ်ဟ့ၣ်ပလီၢ်အံၤအပူၤလီၤ.
ပသူ မ့တမ့ၢ် ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ သ့ဒ်လဲၣ်
တၢ်ဂ့ၢ်တၢ်ကျိၤလၢအအိၣ်ဖဲအဖီလာ်တဖၣ်အံၤ မ့ၢ်တၢ်ပာ်ဖျါထီၣ် ဒီး တၢ်သူနနီၢ်ကစၢ်အတၢ်ဂ့ၢ်တၢ်ကျိၤ လၢတၢ်ဟ့ၣ်အခွဲးအဒိတဖၣ်လီၤ. တၢ်အဒိတဖၣ်အံၤ တမ့ၢ်လၢအအိၣ်ပၣ်ဃုာ်ခဲလၢာ်န့ၣ်ဘၣ်.
တၢ်သူ ဒီး တၢ်ပာ်ဖျါထီၣ် အတၢ်လိၣ်ဘၣ်တဖၣ်
ဒ်တၢ်သိၣ်တၢ်သီအသိး, ပကဘၣ်ပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ ဆူနအိၣ် ဖဲနဃ့ထီၣ်အခါ, လဲၤဆဲးလၢ နမ့ၢ်ဃ့ထီၣ် ဒီး ဒိးန့ၢ်ဘၣ် နနီၢ်ကစၢ်အတၢ်ဂ့ၢ်တၢ်ကျိၤ ဖဲအတယံာ်ဒံးဘၣ် ဃုလါအပူၤန့ၣ်လီၤ.
လၢတၢ်သူ ဒီး တၢ်မၤဂ့ၤထီၣ် ပှာ်ယဲၤသန့ ဒီး တၢ်မၤစၢၤတဖၣ်အဂီၢ်
ပသူ ဒီး ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ ဒ်သိးကဟ့ၣ်, မၤသကံးဆီၣ်ထွဲ, မ့တမ့ၢ် ပၢဆှၢရဲၣ်ကျဲၤ ပှာ်ယဲၤသန့ (Site) ဒီး တၢ်မၤစၢၤ (Services) တဖၣ်အဂီၢ် သ့ဝဲလီၤ. အံၤပၣ်ဃုာ်ဒီး တၢ်မၤသကံးဆီၣ်ထွဲ မ့တမ့ၢ် တၢ်ပၢဆှၢရဲၣ်ကျဲၤ တၢ်မၤစၢၤတဖၣ် ဃုာ်ဒီး ပှၤဟ့ၣ်တၢ်မၤစၢၤ ခံဂၤတဂၤ (third party) န့ၣ်လီၤ. ဖဲပနီၤဟ့ၣ် နနီၢ်ကစၢ်အတၢ်ဂ့ၢ်တၢ်ကျိၤ ဒ်အံၤအသိးအခါ, ပကမၤအီၤထဲဒ် တၢ်လိၣ်ဘၣ်အသိး ဒ်သိးကမၤဂ့ၤထီၣ် မ့တမ့ၢ် ဟ့ၣ်နၤလၢ ပှာ်ယဲၤသန့ ဒီး တၢ်မၤစၢၤတဖၣ်အဂီၢ်လီၤ. အဒီး, ဖဲပနီၤဟ့ၣ် နနီၢ်ကစၢ်အတၢ်ဂ့ၢ်တၢ်ကျိၤ ဆူ ပှၤခံဂၤတဂၤအအိၣ်အခါ, ပကမၤလီၤတံၢ် ခီဖျိ လံာ်ဃံးဃာ် (contract) မ့တမ့ၢ် ကျဲအဂၤတဖၣ် ဒ်သိး ပှၤခံဂၤတဂၤ တဖၣ်န့ၣ် ကတနီၤဟ့ၣ်လီၤဆဲး နအတၢ်ဂ့ၢ်တၢ်ကျိၤ, မ့တမ့ၢ် ကတသူ နအတၢ်ဂ့ၢ်တၢ်ကျိၤ လၢတၢ်ဂ့ၢ်အဂၤတမံၤမံၤ အဂီၢ် တကးဘၣ်ထဲ ဒ်သိးကမၤဂ့ၤထီၣ် မ့တမ့ၢ် ဟ့ၣ်နၤလၢ ပှာ်ယဲၤသန့ ဒီး တၢ်မၤစၢၤတဖၣ်အဂီၢ်န့ၣ်လီၤ.
တၢ်ဂ့ၢ်တၢ်ကျိၤ အတၢ်ကွဲးဖံး
ပသူနနီၢ်ကစၢ်အတၢ်ဂ့ၢ်တၢ်ကျိၤ ဒ်သိးကမၤထီၣ် တၢ်ဂ့ၢ်တၢ်ကျိၤ အတၢ်ကွဲးဖံး (summary data) သ့ဝဲလီၤ, အံၤပၣ်ဃုာ်ဒီး (ဘၣ်ဆဲးတက့ၢ်တကွဲးဝဲလၢအံၤဧိၤတကးဘၣ်), တၢ်ပာ်ဖျါနီၣ်ဂံၢ်အတၢ်ကွဲးနီၣ်တဖၣ် ဒီး တၢ်ပာ်ဖျါတၢ်ဂ့ၢ်တၢ်ကျိၤတဖၣ် (reports) ဒ်သိးကနၢ်ပၢၢ်ဂ့ၤထီၣ် တၢ်ပၣ်ဃုာ်အနီၣ်ဂံၢ်ဖဲ ရဲၣ်စံၣ် (Ramsey) ဒီး ဝါရှ့ၣ်တၣ် (Washington) ကီၢ်ရ့ၣ်တဖၣ်အပူၤ, တၢ်လၢအမၤတံာ်တာ် တၢ်ပၣ်ဃုာ်လၢ တၢ်မၤစၢၤတဖၣ်အပူၤ, ဒီး ဒ်သိးကသမံသမိး တၢ်မၤစၢၤအတၢ်ရဲၣ်တၢ်ကျဲၤ အက့ၢ်ဂ့ၤတဖၣ်အဂီၢ်န့ၣ်လီၤ.
တၢ်လိၣ်ဘၣ်လၢတၢ်သိၣ်တၢ်သီအသိး
ပသူ မ့တမ့ၢ် ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ သ့ဝဲလီၤ ဖဲတၢ်သိၣ်တၢ်သီ မ့တမ့ၢ် တၢ်ပၢဆှၢရဲၣ်ကျဲၤ လိၣ်ဘၣ်တၢ်သူ မ့တမ့ၢ် တၢ်ပာ်ဖျါထီၣ်အခါန့ၣ်လီၤ.
တၢ်ကွၢ်ထွဲ
ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ ဆူ တၢ်ကွၢ်ထွဲကရူၢ် (oversight agency) တဖၣ်အအိၣ် လၢတၢ်မၤလၢတၢ်သိၣ်တၢ်သီဟ့ၣ်အခွဲးတဖၣ်အဂီၢ် သ့ဝဲလီၤ, ဒ်သိးဒီး တၢ်သမံသမိးစဲးဖီကအံး (audits), တၢ်ဃုသ့ၣ်ညါတၢ် (investigations), ဒီး တၢ်သမံသမိးတၢ် (inspections) န့ၣ်လီၤ. တၢ်ကွၢ်ထွဲကရူၢ်တဖၣ်အံၤ ပၣ်ဃုာ်ဒီး ပဒိၣ်အတၢ်ကရၢကရိလၢအကွၢ်ထွဲ တၢ်မၤစၢၤတဖၣ်, ပဒိၣ်အတၢ်မၤစၢၤ အတၢ်ရဲၣ်တၢ်ကျဲၤတဖၣ်, ပဒိၣ်အတၢ်ပၢဆှၢရဲၣ်ကျဲၤ အတၢ်ရဲၣ်တၢ်ကျဲၤအဂၤတဖၣ်, ဒီး ပှၤဂီၢ်မုၢ်အတၢ်ခွဲးတၢ်ယာ် အတၢ်သိၣ်တၢ်သီတဖၣ်န့ၣ်လီၤ.
ရုံးအတၢ်လဲၤသနူတဖၣ်
ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ သ့ဝဲလီၤ လၢရုံးအတၢ်စံၣ်ညီၣ် မ့တမ့ၢ် တၢ်ပၢဆှၢရဲၣ်ကျဲၤ အတၢ်လဲၤသနူတဖၣ်အပူၤ, ဒ်သိးကစံးဆၢ ရုံးအတၢ်မၤလိာ် မ့တမ့ၢ် တၢ်ပၢဆှၢရဲၣ်ကျဲၤ အတၢ်စံၣ်ညီၣ်ကရူၢ် (နီၢ်နီၢ်တၢ်ပာ်ဖျါထီၣ်အံၤ မ့ၢ်ဘၣ်တၢ်ဟ့ၣ်အခွဲးဒီး), ဒီးဖဲတၢ်အိၣ်သးတနီၤနီၤအပူၤ ဒ်သိးကစံးဆၢ လံာ်ကွဲးမံ (subpoena), တၢ်ဃ့ထီၣ်တၢ်ဂ့ၢ်တၢ်ကျိၤ (discovery request), မ့တမ့ၢ် တၢ်သိၣ်တၢ်သီ အတၢ်လဲၤသနူအဂၤတဖၣ်န့ၣ်လီၤ.
တၢ်သိၣ်တၢ်သီအပှၤဘျီၣ်စဲ
ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ လၢတၢ်သိၣ်တၢ်သီအပှၤဘျီၣ်စဲ (law enforcement) အတၢ်မၤအဂီၢ် သ့ဝဲလီၤ, ပၣ်ဃုာ်ဒီး တၢ်ဂ့ၢ်တၢ်ကျိၤလၢအအိၣ်ဖဲအဖီလာ်တဖၣ်အံၤလီၤ-
- တၢ်စံးဆၢ ဆူရုံးအတၢ်စံၣ်ညီၣ် အတၢ်လဲၤသနူတဖၣ်,
- တၢ်ဃ့ထီၣ် တၢ်ဂ့ၢ်တၢ်ကျိၤ ဒ်သိးကသ့ၣ်ညါ ပှၤတဂၤမ့ၢ်မတၤ ဒီး အိၣ်ဖဲလဲၣ်န့ၣ်လီၤ,
- တၢ်အိၣ်သးတဖၣ် လၢအဘၣ်ဃးဒီး ပှၤလၢအဘၣ်တၢ်မၤနးမၤဖှီၣ်အီၤ လၢတၢ်မၤကမၣ်တၢ်သိၣ်တၢ်သီတဖၣ်အပူၤ,
- တၢ်သံတဖၣ် လၢတၢ်နာ်လၢ အဟဲကဲထီၣ်လၢ တၢ်မၤကမၣ်တၢ်သိၣ်တၢ်သီ,
- တၢ်မၤကမၣ်တၢ်သိၣ်တၢ်သီ လၢအကဲထီၣ်ဖဲ ရဲၣ်စံၣ် ကီၢ်ရ့ၣ် မ့တမ့ၢ် ဝါရှ့ၣ်တၣ် ကီၢ်ရ့ၣ် အတၢ်လီၢ်တၢ်ကျဲတဖၣ်, ဒီး
- တၢ်အိၣ်ဆူၣ်အိၣ်ချ့ အတၢ်မၤအသး လၢအဂ့ၢ်ဂီၢ်ကီတဖၣ် လၢတၢ်နာ်လၢအဟဲကဲထီၣ်လၢ တၢ်မၤကမၣ်တၢ်သိၣ်တၢ်သီန့ၣ်လီၤ.
တၢ်ဃုသ့ၣ်ညါတၢ်
ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ ဆူ ပှၤဃုသ့ၣ်ညါတၢ်ဖိ ဒီး ပှၤသမံသမိးတၢ်ဖိတဖၣ်အအိၣ် သ့ဝဲလီၤ ဖဲတၢ်သိၣ်တၢ်သီ ဟ့ၣ်အခွဲးအခါန့ၣ်လီၤ.
တၢ်မၤကမၣ်တၢ်သိၣ်တၢ်သီ
ဒ်ဖဲၣ်တရၢၣ် (federal) ဒီး ကီၢ်စဲၣ် (state) အတၢ်သိၣ်တၢ်သီ လၢအဘၣ်လိာ်တဖၣ်အသိး, ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ သ့ဝဲလီၤ မ့ၢ်ပနာ်လၢ တၢ်သူအီၤ မ့တမ့ၢ် တၢ်ပာ်ဖျါထီၣ်အီၤန့ၣ် အကါဒိၣ် ဒ်သိးကဒီသဒၢ မ့တမ့ၢ် မၤစှၤလီၤ တၢ်ပျံၤတၢ်ဖုးလၢအနး ဒီးလၢအကဟဲအိၣ်ထီၣ်တဘျီဃီ လၢပှၤတဂၤဂၤ မ့တမ့ၢ် ပှၤဂီၢ်မုၢ် အတၢ်အိၣ်ဆူၣ်အိၣ်ချ့ မ့တမ့ၢ် တၢ်ပူၤဖျဲးအဂီၢ်လီၤ. ပပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤ သ့စ့ၢ်ကီးဝဲလီၤ မ့ၢ်တၢ်လိၣ်ဘၣ်အီၤလၢ တၢ်သိၣ်တၢ်သီအပှၤဘျီၣ်စဲ (law enforcement authorities) အဂီၢ် ဒ်သိးကပာ်ဖျါထီၣ် မ့တမ့ၢ် ဖီၣ်ဃာ် ပှၤတဂၤဂၤအဂီၢ်န့ၣ်လီၤ.
နတၢ်ခွဲးတၢ်ယာ်တဖၣ် ဘၣ်ဃးဒီး နနီၢ်ကစၢ် တၢ်ခူသူၣ် ဒီး တၢ်ပာ်ခူသူၣ်လီၤဆီ အတၢ်ဂ့ၢ်တၢ်ကျိၤ
နအိၣ်ဒီး တၢ်ခွဲးတၢ်ယာ် လၢအအိၣ်ဖဲအဖီလာ်တဖၣ်အံၤ ဘၣ်ဃးဒီး နနီၢ်ကစၢ် တၢ်ခူသူၣ် ဒီး တၢ်ပာ်ခူသူၣ်လီၤဆီ အတၢ်ဂ့ၢ်တၢ်ကျိၤ လၢဘၣ်တၢ်ပာ်ဃာ်အီၤလၢ ရဲၣ်စံၣ် ကီၢ်ရ့ၣ် (Ramsey County) မ့တမ့ၢ် ဝါရှ့ၣ်တၣ် ကီၢ်ရ့ၣ် (Washington County) အပူၤန့ၣ်လီၤ.
တၢ်ခွဲးတၢ်ယာ်လၢ ကနုာ်ထံၣ် နနီၢ်ကစၢ် တၢ်ခူသူၣ် ဒီး တၢ်ပာ်ခူသူၣ်လီၤဆီ အတၢ်ဂ့ၢ်တၢ်ကျိၤ
ဃုလါတဘျီ, နမ့ၢ်ဃ့ထီၣ်န့ၣ်, နအိၣ်ဒီးတၢ်ခွဲးတၢ်ယာ်လၢ တၢ်ကဘၣ်ဟ့ၣ်သ့ၣ်ညါနၤလၢ မ့ၢ်နနီၢ်ကစၢ်အတၢ်ဂ့ၢ်တၢ်ကျိၤ ဘၣ်တၢ်ပာ်ဃာ်အီၤဧါ, ဒီးတၢ်ဂ့ၢ်တၢ်ကျိၤတဖၣ်န့ၣ် ဘၣ်တၢ်ပာ်ပနီၣ်အီၤဒ် ပှၤဂီၢ်မုၢ်တၢ်ဂ့ၢ်တၢ်ကျိၤ (public), တၢ်ခူသူၣ် (private), မ့တမ့ၢ် တၢ်ပာ်ခူသူၣ်လီၤဆီ (confidential) ဧါန့ၣ်လီၤ. နမ့ၢ်မ့ၢ်ပှၤတဂၤလၢ အတၢ်ခူသူၣ် မ့တမ့ၢ် တၢ်ပာ်ခူသူၣ်လီၤဆီ (confidential data) ဘၣ်တၢ်ပာ်ဃာ်အီၤန့ၣ်, နဃ့ထီၣ်လၢတၢ်ကဒုးကွၢ်နၤလၢ တၢ်ဂ့ၢ်တၢ်ကျိၤတဖၣ်န့ၣ် လၢတၢ်ဟ့ၣ်အဘူးအလဲတအိၣ်ဘၣ် သ့လီၤ, ဒီးနမ့ၢ်အဲၣ်ဒိးန့ၣ်, နဃ့ထီၣ်သ့ၣ်ညါ တၢ်ဂ့ၢ်တၢ်ကျိၤအနီၢ်ကစၢ် ဒီး အခီပညီ (meaning) လၢအအိၣ်ဖဲအပူၤတဖၣ်န့ၣ် သ့စ့ၢ်ကီးလီၤ.
တၢ်ခွဲးတၢ်ယာ်လၢ ကတူၢ်ဆါ နီၢ်ကစၢ်အတၢ်ဂ့ၢ်တၢ်ကျိၤ အတၢ်ဘၣ်လိာ်ဘၣ်စး
နအိၣ်ဒီးတၢ်ခွဲးတၢ်ယာ်လၢ ကတူၢ်ဆါ (contest) တၢ်ဂ့ၢ်တၢ်ကျိၤတနီၤနီၤ လၢပထံးဖှဲၣ် ဒီးပာ်ဃာ်ဘၣ်ဃးဒီးနၤန့ၣ် မ့ၢ်အဘၣ်လိာ် မ့တမ့ၢ် အလၢပှဲၤဧါန့ၣ်လီၤ. လၢကမၤထွဲတၢ်ခွဲးတၢ်ယာ်အံၤအဂီၢ်, နကဘၣ်ဟ့ၣ်သ့ၣ်ညါပှၤလၢတၢ်ကွဲးအဖီခိၣ် ဒီးပာ်ဖျါထီၣ်တၢ်ဂ့ၢ်လၢနတတူၢ်လိာ်ဘၣ်ဃးဒီးတၢ်ဂ့ၢ်တၢ်ကျိၤတဖၣ်န့ၣ်လီၤ. ဖဲပဒိးန့ၢ်ဘၣ်နလံာ်ဟ့ၣ်သ့ၣ်ညါဝံၤအလီၢ်ခံ, လၢမုၢ်နံၤ ၃၀ အပူၤန့ၣ် ပက:
မၤဘၣ်ကဒါက့ၤ နီၢ်ကစၢ်အတၢ်ဂ့ၢ်တၢ်ကျိၤလၢအကမၣ် မ့တမ့ၢ် လၢအတလၢပှဲၤတဖၣ် ဒီးကကျဲးစၢးဟ့ၣ်သ့ၣ်ညါ ပှၤလၢအဒိးန့ၢ်ဘၣ် တၢ်ဂ့ၢ်တၢ်ကျိၤလၢအကမၣ်တဖၣ်ဖဲအပူၤကွံာ်န့ၣ်လီၤ; မ့တမ့ၢ်
ဟ့ၣ်သ့ၣ်ညါနၤလၢ ပနာ်လၢ နီၢ်ကစၢ်အတၢ်ဂ့ၢ်တၢ်ကျိၤန့ၣ် အဘၣ်ဝဲလီၤ.
နမ့ၢ်တတူၢ်လိာ် ပတၢ်ဆၢတဲာ်ဘၣ်န့ၣ်, နအိၣ်ဒီးတၢ်ခွဲးတၢ်ယာ်လၢ ကဃ့ကဒါက့ၤ (appeal) တၢ်ဆၢတဲာ်အံၤန့ၣ်လီၤ.
လၢကသူ မ့တမ့ၢ် မၤထွဲ နတၢ်ခွဲးတၢ်ယာ်တဖၣ် လၢတၢ်ပာ်ဖျါထီၣ်အီၤဖဲအဖီခိၣ်တမံၤမံၤအဂီၢ်, ဝါဆှၢလီၤနတၢ်ဃ့ကညး ဆူ "တၢ်ဆဲးကျိး အတၢ်ဂ့ၢ်တၢ်ကျိၤ" (Contact Data) လၢအအိၣ်ဖဲအဖီလာ်အံၤတက့ၢ်.
တၢ်ခွဲးတၢ်ယာ်လၢ ကဒိးန့ၢ်ဘၣ် လံာ်အတၢ်ပာ်ဖျါအံၤ တဘ့ၣ်
နဒိးန့ၢ်ဘၣ် လံာ်ဃံးလံာ်လဲၢ် အတၢ်ပာ်ဖျါအံၤ တဘ့ၣ်သ့လီၤ, ခီဖျိ တၢ်ဆှၢလီၤ တၢ်ဃ့ကညး ဆူ "တၢ်ဆဲးကျိး အတၢ်ဂ့ၢ်တၢ်ကျိၤ" လၢအအိၣ်ဖဲ အဖီလာ်အံၤန့ၣ်လီၤ.
တၢ်ဂရီတၢ်တဖၣ်
နမ့ၢ်နာ်လၢ နနီၢ်ကစၢ်တၢ်ခူသူၣ်အတၢ်ခွဲးတၢ်ယာ် ဘၣ်တၢ်မၤဟးဂီၤအီၤန့ၣ်, နတဲဖျါထီၣ်တၢ်ဂရီတၢ် (complaint) သ့လီၤ. ဝါဆှၢလီၤနတၢ်ဂရီတၢ် လၢတၢ်ကွဲးအဖီခိၣ် ဆူ "တၢ်ဆဲးကျိးအတၢ်ဂ့ၢ်တၢ်ကျိၤ" (Contact Data) လၢအအိၣ်ဖဲအဖီလာ်အံၤတက့ၢ်. ပတြီနၤလၢ တၢ်န့ၢ်ဘၣ်တၢ်မၤစၢၤ တသ့ဘၣ်, မ့တမ့ၢ် ပမၤနၤတဂ့ၤတဘါ တသ့ဘၣ် ခီဖျိလၢနတဲဖျါထီၣ်တၢ်ဂရီတၢ် လၢပဖီခိၣ်အဃိန့ၣ်လီၤ.
တၢ်ဆဲးကျိး အတၢ်ဂ့ၢ်တၢ်ကျိၤ
Ramsey/Washington Recycling & Energy
100 Red Rock Rd
Newport, MN 55055