Cuntada haraaga Barnaamijka Qaadida FAQ

Ku soo dhawoow qaybteena FAQ (Su'aalaha Inta Badan La isweydiiyo), maxaad jeclaan lahayd in lagaa caawiyo?

Waa Maxay Barnaamijka Qaadista Haraaga Cuntada?

Barnaamijka Qaadista Haraaga Cuntada waa barnaamij bilaash ah, oo iskaaga ah oo dib loogu warshadaynayo haraaga cuntada dadka deggan degmooyinka Ramsey iyo Washington. Barnaamijka waxaa sanado badan loo daahfurayaa dadka deggan degmooyinka Ramsey iyo Washington waxaana ugu dambeyntii heli doona dhammaan dadka deegaanka ee ku dhaqan labada degmo. Eeg haddii aad hadda uqalanto inaad ka qaybqaadato.

Cuntada hadhaaga waxaa lagu soo ururiyaa baco gaar ah, oo loo yaqaan "bacaha lagu rido cuntada hadhaaga," kuwaas oo uu bixiyo barnaamijku. Bacaha cuntada hadhaaga ayaa lagalinayaa gaadhigaaga qashinka ama weelka qashinka si loo uruuriyo.

Ka dib markii la ururiyo, bacaha qashinka cuntada waxaa laga soocaa qashinka kale iyadoo la isticmaalayo tignoolajiyada kala soocida robotka waxaana loo badalaa carro nafaqo leh oo loo yaqaano "compost (bacrimiso)."

Maxaad ururiyaan haraaga cuntada?

"Haraadiga cuntada ayaa 20% ka ah miisaanka qashinka laga ururiyo degmooyinka Ramsey iyo Washington. Food Scraps Pickup Program wuxuu u beddelaa haraaga cuntada la soo ururiyey ciid, halkii ay ka ahaan lahayd qashinka."

Tani macnaheedu ma u baahni inaan ka walwalo qashinka cuntada?

Cuntada aan la cunin waxay lumisaa lacagta iyo kheyraadka, waxayna si xun u saameysaa deegaanka. Yaraynta qashinka cuntada waa istaraatiijiyadda ugu badan ee la door bido ee maaraynta qashinka, ka hor inta aan dib loo-warshadayn qashinka cuntada iyo bacriminta. Wax ka baro dhimista qashinka cuntada.

Waa maxay sababta haraaga cuntada loogu ururiyo bacaha qashinka halkii aad ku qaadii lahayd gaadhiyo kala duwan?

Barnaamijka Qaadista Haraaga Cuntada waxa uu dadka deegaanka siiyaa baco barnaamijka ugaar ah oo la yiraahdo “bacaha haraaga cuntada.” Nidaamkan, bacaha cuntada haraaga ah lagu rido iyo bacaha qashinka dhammaan waxaa lagu ridaa isla hal haan qashin ama qashin ururiye.

Bacaha lagu rido cuntadu hadhaaga ah waa hab wax ku ool ah kharash badan aan isticmaalaynin oo lagaga soo ururiyo cuntada hadhaaga ah guryaha dadka degan Degmada Ramsey iyo Washington sababtoo ah:

  • Marka loo eego falanqaynta gobollada, nidaamka loo isticmaalo bacaha lagu soo uruuriya cuntada hadhaaga ayaa toban jeer ka kharash yar nidaamka isticmaala soo ururinta gaadhi qashinka.
  • Bacaha lagu rido cuntada hadhaaga uma baahna maalmo dheeraad ah ay soo ururiyaan, gaadhiyada qashin ururinta, ama baabuurta lagu gadiyo qashinka
  • Isticmaalka bacaha lagu rido cuntada haraaga halkii aad ka isticmaali lahayd nidaamka haan qashin oo gaar ah waxa ay wadada ka yarayneysaa tirada baabuurta qashinka qaada taasoo keeneysa dhimista qiiqa hawada lagu siidaayo.
  • Bacaha lagu rido cuntada hadhaaga waxay u ogolaataa dhammaan dadka degaanka inay ka qaybqaataan, iyadoon loo eegayn nooca guriyahooda, magaalada ama nooca gaariga.

Maxaa ku dhacaya bacdayda cuntada hadhaaga ka dib marka aan ku rido haanta qashinka?

Gaariga qashinka kaa qaada ayaa qaadi doona qashinkaaga, ayada oo ay bacaha haraadiga cuntadu la socdaan, maalinta caadiga ah ee qashinka lagaa qaado.

Qashinka iyo bacaha haraaga cuntada ayaa markaa la keenaa Xarunta Ramsey/Washington Recycling & Energy (R&E) ee Newport ama goob laga sii raro, halkaas oo bacaha haraaga cuntada ay ka soocaan qashinkaaga mashiin lagu borogaraamiyay in uu aqoonsado oo uu kala sooco bacaha. Dadka deggan deegaanada uqalma oo kaliya ayaa bacaha haraagooda cuntada laga sooci doonaa qashinka.

Bacaha haraaga cuntada iyo waxa ku jira ayaa markaa loo diraa goob warshadaynta lagu sameeyo waxaana loo badalaa ciid nafaqo leh oo loo yaqaan "compost".

Eeg "Maxaa dhacaya ururinta ka dib?" fiidyow ku yaal bogga Wax badan ka baro si aad u aragto sida hawshu u shaqeyso.

Sidee bay bacaha haraaga cuntadu u adkeysan karaan safarka iyagoo saaran gaari qashin ah?

Bacaha haraaga cuntada ee ay bixiso Food Scraps Pickup Program waxaa si gaar ah loogu talagalay barnaamijkan. Bacahani way ka duwan yihiin kuwa laga bixiyo goobaha cuntada haraaga la geeyo ee degmada, iyo kuwa hadda laga soo iibsado tafaariiqleyda ama onlaynka. bacaha waa qiyaastii saddex jeer sida qaro weyn sida bacda caag dukaanka raashinka ah oo ay buuxiyaan heerarka gaarka ah ee xoog. Degmooyinku waxay bacaha ku tijaabiyeen qashin badan si ay u xaqiijiyaan inaysan dilaacin inta la safrinayo. Keliya bacaha haraaga cuntada ee barnaamijku bixiyo ayaa la ururin karaa oo laga sooci karaa qashinka, bacaha kale ee la burburin karo ma shaqayn doonaan barnaamijkan.

Sidee bacaha looga soocaa qashinka?

Tiknoolajiyada kala soocida robootka ayaa loo isticmaali doonaa in lagu aqoonsado oo bacaha lagu rido haraaga cuntada looga saaro qashinka. Eeg "Maxaa dhacaya ururinta ka dib?" fiidyow ku yaal bogga Wax badan ka baro si aad u aragto sida hawshu u shaqeyso.

Sidee barnaamijka qaadista duugga ah ee cuntada lagu bixiyo?

Degmooyinka Ramsey iyo Washington ayaa ka maalgaliya qaybo ka mid ah barnaamijkan lacagta Deegaanka ee Degmada (CEC) oo degmo kasta ay ururiso. Tani waa lacag adeeg oo ku jira biilkaaga qashinka ururinta kaas oo maalgeliya barnaamijyada qashinka labada gobolba.

Xarunta R&E, khidmadaha qashinka waxay ka tarjumayaan kharashaadka habaynta qashinka ee xarunta. R&E waxa ay u isticmaashaa lacagahaan in ay ku daboosho kharashaadka la xiriira kala wadida xarunta, oo ay ku jiraan shaqada, qalabka, rarida iyo suuqgeynta waxyaabaha dib loo warshadeeyay iyo shidaalka laga soosaaray qashinka, dayactirka, iyo caymiska.

Hagaajinnada Xarunta Dib-u-Warshadeynta iyo Tamarta ee Ramsey/Washingtoni si bacaha cuntada looga sooco qashinka oo dib loogu burburiyo ayaa laga maalgeliyaa deeq ka socoto Hay’adda Xakameynta Wasakhowga ee Minnesota (MPCA), taasoo qeyb ka ahayd hindiso sharciyeedki 2020 ee isku xirka Gobolka Minnesota. Hagaajinnada xarunta waxaa sidoo kale maalgeliya khidmadda ay qashin-qaadayaashu qaadaan si ay qashinka u geeyaan Xarunta R&E.

Miyaa wali laga heli karaa degmooyinka Ramsey iyo Washington goobaha la dhigo cuntada hadhaaga?

Haa. Barnaamijka qaadista cuntada hadhaaga waxuu noqon doonaa mid ka mid ah nidaamka weyn ee ururinta haraaga cuntada. Waxaad doorbidi kartaa goobaha hoos u dhaca ama bacriminta - samee waxa adiga kuu fiican!

Ka hel macluumaad dheeraad ah oo ku saabsan goobaha lagu geeyo qashinka cuntada ee degmadaada hoos:

Adeeggan ma heli doonaa ganacsiyada?

Ma aha wakhtigan. Degmooyinka Ramsey iyo Washington ayaa sahminaya suurtagalnimadan.

Ganacsiyada waxaa ka mid ah ganacsiyada gaarka ah, kuwa aan macaash-doonka ahayn iyo kuwa guud iyo ururada jir ahaan ku yaala Ramsey ama Degmada Washington. Tani waxaa ka mid ah, laakiin aanay ku koobneyn, maqaayadaha, dukaamada raashinka, hawlaha haqabtirka cuntada, huteelada, dhismayaasha xafiisyada iyo dugsiyada.

Si aad u hesho kheyraadka dib u warshadeynta ganacsiga, BizRecycling kaga taxmo bizrecycling.com, 651-266-1199 ama info@bizrecyling.com

Haddii aad ganacsi ku leedahay ciwaanka gurigaaga, oo loo arko ciwaan meel la deggan yahay, waxaad kaqeybqaadan kartaa Barnaamijka Qaadista Haraaga Cuntada haddii laga helo deegaankaaga.

Sideen u bilaabaa?

Si aad u bilowdo, dalbo sahaydaada sanadlaha ee bilaashka ah ee bacaha lagu guro haraaga cuntada. Iska qor ama adeegga macaamiisha ka wac 651-661-9393 wixi caawin ah. Bacaha u gaarka ah barnaamijka waxaa lagu keeni doonaa boosto iyaga oo wata tilmaamo ku saabsan sida loo bilaabo ururinta qashinka cuntadaada.

Goorma ayaan barnaamijkan heli doonaa?

Kaliya dadka deggan deegaanada uqalma ayaa kaqeybqaadan kara. Eeg in barnaamijka hadda laga heli karo deegaankaaga.

Jadwalka fidinta barnaamijka waxaa lagu go’aamiyaa iyada oo si dhow loola shaqeynayo xarumaheena iyo la-hawlgalayaasheena si loo qorsheeyo sii wadida ballaarinta. Food Scraps Pickup Program waxaa lagu guda jiraa in lagu fidiyo dhammaan dadka deggan degmooyinka Ramsey iyo Washington, iyadoon loo eegin nooca guriyeynta, dhowrka sano ee soo socda. Ku dhufo halkan si aad u hesho bulshooyinka hadda barnaamijka laga heli karo.

Barnaamijka waxaa hadda loo heli karaa dhammaan bulshooyinka qashinkooda tooska loo keeno Xarunta R&E, taasoo uqalabaysan in ay kala soocdo bacaha haraaga cuntada. Bulshooyinka soo haray ee degmooyinka Ramsey iyo Washington waxaa qashinkooda la geynayaa goob laga raro qashinka, taasoo ah goob la isugu geeyo qashinka bulshooyin badan ka hor inta aan loo rarin Xarunta R&E. Barnaamijka waxaa loo heli doonaa bulshooyinkaan marki qalab bacaha lagu rido haraaga cuntada looga sooco qashinka lagu rakibo xarumahaas qashinka laga sii raro. Degmooyinka Ramsey iyo Washington waxay filayaan in balaarintani ay dhici doonto dhowrka sano ee soo socda. Qariiradda hoose waxay muujinaysaa sida la filayo in barnaamijka loogu fidiyo dhammaan deegaanada labada degmo. Jadwalka ayaa isbeddeli kara.

Immisa ayey ku kacaysaa in ay ka qayb qaataan?

Barnaamijkan wa uu bilaash dadka deggan degmooyinka Ramsey iyo Washington. Dhammaan ka qaybgalayaasha waxaa la siin doonaa bacaha qashinka cuntada oo BILAASH ah ka dib markii la sameeyo akoonka oo aad dalbato bac.

Sideen ku helaa bacaha lagu rido cuntada hadhaaga ah?

Waxaad ka dalban kartaa website-ka barnaamijka ama wac 651-661-9393 (luqadaha badan ayaa la heli karaa) si aad u bilowdo. Bacaha lagu rido cuntada hadhaaga waxaa si toos loo keenayaa gurigaaga.

Intee jeer ayaan helaa bacaha qashinka cuntada ee bilaashka ah??

Waxaad u dalban kartaa sahayda bacaha haraaga cuntada ee bilaashka ah si sanadle ah. Sahayda bacaha lagu rido haraaga cuntada ee 60-ka ah waxaa loogu talagalay in ay ku hayaan ilaa hal sano maadaama lagu taliyey in aad beddesho bacda lagu rido haraaga cuntada ilaa hal mar toddobaadkii. Sannad ka dib, waxaad heli doontaa iimayl xusuusin ah si aad u dalbato sahaydaada xigta ee bacaha qashinka.

IHaddii aad u baahan tahay bacaha qashinka oo dheeraad ah sanad gudihii markaad dalbato sahaydaada sanadlaha ah, gal akoonkaaga ama wac adeega macaamiisha 651-661-9393 si aad u dalbato bac kale. Waxaa isla markiiba laguu gudbin doonaa inaad dhamaystirto sahan ka caawin doona Food Scraps Pickup Program inay wax badan ka ogaadaan isticmaalka bacaha. Markaad dhamaystirtid sahanka waxaad awoodi doontaa inaad dalbato bac labaad.

*Haddii aad dirsatay wax ka badan 2 dalab oo bacood sanad gudihiis, waxaa kula soo xiriiri doona shaqaalaha kahor inta aadan helin dalabyada dheeraadka ah.

Sideen ku dooran karaa cabbirka bacda qashinka cuntada ee aan dalbanayo?

Bacaha haraaga cuntada waxay ku yimaadaan laba cabbir:

  • 6-gallon (oo ku saabsan xajmiga qashinka weelka musqusha)
  • 13-gallon (qiyaastii xajmiga qashinka weelka jikada)

Tijaabadi barnaamijka, cabbirka bacaha yaryar ee lagu rido haraaga cuntada (6-gallon) ayaa ahaa cabbirka ay doorbideen inta badan qoysaska. Ka fakar arrimaha soo socda si aad u go'aansato cabbirka bacda ee sida ugu fiican kuugu shaqayn doona:

  • Kayd: Waa maxay cabbirka haanta aad qorshaynayso in aad u isticmaasho bacaha lagu guro haraaga cuntada? Bacaha lagu guro haraaga cuntada ee 6-da gallon ah waxay ku habboon yihiin haamaha yaryar. Ka fiiri ifikradaha ku saabsan sida loogu qabanqaabiyo gurriga.
  • Cabbirka Guriga/Jikada: Bacaha qashinka cuntada ee 6-gallon-ka ah waxay ku habboon yihiin meelaha yaryar.
  • Tirada qoyska: Qoysaska waaweyn waxay doorbidi karaan bacaha haraaga cuntada lagu rido ee 13-ka gallon ah.
  • Inta jeer ee cunto la kariyo: Haddii aad wax badan cunto kariso, waxaa lahaan kartaa qashin badan oo cunto waxaadna doorbidi kartaa bacaha haraaga cuntada lagu rido ee 13-ka gallon ah.

Miyaad bixisaa weelka lagu uruuriyo cuntada hadhaaga?

Maya,Food Scraps Pickup Program ma bixiyaan weelasha ururinta.

Dhib ma leedahay gaadhiga qashinka ee aan isticmaalo?

Maya, dhammaan dadka deggan degmooyinka Ramsey iyo Washington way ka qaybqaadan karaan iyada oo aan loo eegin gaarigooda qaada qashinka. Barnaamijkani waxa uu ka dhex shaqeeyaa nidaamka qashinka ee hadda jira, taasoo la macno ah in aanay wax isbeddel ah ku iman sida ay u shaqeeyaan ama u qaadaan qashinka.

Waa maxay weelka aan isticmaalo, iyo xaggee baan ku kaydiyaa?

Ma jiro mid sax ah qotomiyey inay ka qayb qaataan Food Scraps Pickup Program! Waxaa jira noocyo badan oo kala duwan iyo cabbirro weelal ah oo loo isticmaali karo ururinta qashinka cuntada. Waxaan kugula talineynaa in la helo weel iyo meel aad ku hayso oo adiga kuugu fiican. Halkan ka eeg kaydinta suurtogalka ah oo ka samayso ikhtiyaarrada halkan.

Guriga miyay ka dhigi doontaa mid soo ura uruurinta cuntada hadhaaga?

Isticmaalka bacaha lagu rido cuntada haraaga waa hab ka duwan oo lagu ururiyo walxaha isku midka ah ee hadda ku socda weelkaaga qashinka. Si lamid ah qashinkaaga, haddii aad bacahaaga cuntada hadhaaga ugu soo qaadid gaadhiga qashinkaaga ama weelka qashinka laga gadiyo si joogto ah, urtu ma noqon doonto arin jirta.

Maxaan sameeyaa haddii aan la kulmo ur ama cayayaan agagaarka weelka qashinka cuntada?

Sida marka haraaga cuntadu ay ugu jiraan qashinka caadiga ah, waqti ka dib waxay bilaabi karaan inay uraan ama soo jiidaan cayayaanka - tani waa arin caadi ah! Helitaanka xalal wax looga qabanayo arrimahan waxay u baahan kartaa xalin hal abuur leh. Waa kuwan fikrado ood ku bilaabi kartid:

  • ku fakar inaad ku kaydiso haraaga cuntadaada meel cusub, sida talaajadaha ama qaboojiyaha, garaashkaaga ama saxanka hoostiisa!
  • Ka fakarinaad heshid weel wax lagu kaydiyo oo dabool leh si aad uga hortagto urta ama cayayaanku inay tagaan ama ka imanayaan qashinkaaga cuntada.
  • Isku day inaad si joogto ah u soo saarto bacahaaga qashinka cuntada. Waxaan kugula talineynaa inaad soo saarto bacaha qashinka qashinka ah todobaadkii hal mar. Mar walba uma baahnid inaad sugto ilaa bacdu ka buuxsanto!

Ma heli karaa compost dhameystiray haddii aan ka qayb barnaamijka?

Maya. Bacriminta laga sameeyo sheeyaasha uu soo ururiyay Barnaamijka Qaadista Haraaga Cuntada lama siin doono kaqeybgalayaasha.

Ma ka qaybqaadan karaa haddii aan iska diiwaan geliyay barnaamijka Badbaadada Guriga?

Haa. Haddii aad tahay ka qaybgale barnaamijka Badbaadada Guriga, fadlan kala xidhiidh adeegga macaamiisha 651-661-9393 oo weydii in aad farriin uga tagto shaqaalaha barnaamijka si ay kuu caawiyaan. Waxaa kula soo xiriiri doona xubin ka mid ah shaqaalaha oo kaa caawin doona inaad sameysato akoon oo aad dalbato bacaha. Si aad uga qaybgasho, waa inaad ku nooshahay mid ka mid ah bulshooyinka uqalma.

Waa maxay badeecadaha qurmi kara ee aan ku ridi karo bacda aan ku guro haraaga cuntada?

Waxaan kaliya aqbalnaa badeecadaha caradu cuni karto ee uu shahaadeeyay Machadka Badeecadaha Caradu Burburin Karto (BPI). BPI waa shirkad daraf saddexaad ah oo caddaysa in badeecadaha la tijaabiyay oo ay si buuxdo carada ugu burburi karaan xarun bacrimin ganacsi. Sheeyaasha sida koobabka, saxamada, maacuunta iyo kuwa kale oo badan ayaa ay shahaadeyn kartaa BPI.

Mararka qaarkood waxaad arki doontaa qoraalo badeecadaha ku qoran oo oranaya “biodegradable (noolaha il ma aragtadu burburin karo),” “compostable (bacrimin laga dhigi karo),” “made from plants (laga sameeyay dhirta),” “made from corn starch (laga sameeyay istaarijka galleyda)” ama “all natural (dhammaan dabiici ah).” Hase yeeshee, kuwani lamid ma ahan shahaadeynta BPI. Kaliya sheeyaasha leh shahaadeynta BPI ayaa la aqbalaa – ka fiiri loogada BPI! Marka aad ka shakido, iskaga tag.

Ma kaqeybqaadan karaa haddii aan ku noolahay dabaq, qeyb guri ama bulsho waayeel ah?

Haa! Dhammaan guryaha la deggan yahay ee halka qoys ah ama qoysaska badan ay deggan yihiin ee ku yaala deegaanada uqalma waa ay kaqeybqaadan karaan. Kaliya bacahaaga cuntada haraadiga ku rid fuustada qashinka ama weelka qashinka laga gediyo ee dhismahaaga.

Sidee bay bacaha lagu rido cuntada haraaga ah ee barnaamijka u gaarka ah uga duwan yihiin bacaha kale ee la burburin karo?

Bacaha cuntada haraaga waa kuwo raagaya oo la burburin karo. Waa ay ka dhumuc weyn yihiin bacaha kale ee caradu burburin karto ee caadiga ah ee lagu gado dukaamada tafaariiqda ama onlaynka. Bacaha haraadiga cuntada waxaa loogu talagalay inay u adkeystaan safarka lagu sii qaadayo gaariga qashinka. Keliya bacaha lagu guro haraaga cuntada ee barnaamijka u gaarka ah ayaa la aqoonsan karaa oo laga sooci karaa qashinka, bacaha kale ee caradu burburin karto kuma shaqayn doonaan barnaamijkan.

Waxaan door bidayaa bacaha yar-yar ee la burburin karo. Waa maxay sababta aan kuwan loo bixiyo qayb ka mid ah barnaamijkan?

Bacaha yaryar ma ogaan karaan mashiinada kala soocaya bacaha cuntada haraaga lagu rido iyo qashinka.

Waa maxay sheeyaasha laga oggol yahay Barnaamijka Qaadista Haraaga Cuntada?

Liis dhammeystiran oo ah sheeyaasha bacaha cuntada haraadiga ah lagu ridi karo ama aan lagu ridi karin ayaa laga heli karaa qeybta bogga waxbadan ogow. Tilmaamo hagis ah ayaa la soo raacin doonaa bacda haraaga cuntada lagu rido ee laguu soo dhiibayo.

Mala aqbalayaa karatoonta biidsada?

Kartoonada biisada ma aqbalo Food Scraps Pickup Program. Kartoonada biisada waxay boos badan ka qaataan bacaha lagu rido cuntada haraadiga ah mana ahan waxyalaha ugu muhiimsan ee barnaamijku doonayo in uu uruuriyo.

Xalka ugu fiican ee kartoonada biisada waa in dib loo warshadeeyo! Qashin u qaadayaasha dib u warshadeynta oo badan ayaa ururin doona kartoonada biisada si dib loogu warshadeeyo. La xiriir gaadhiga qashinka inuu inay aqbalaan kartoonada biisada. Haddii aysaa ahayn, waxaad keeni kartaa kartoonada biisada meesha lagu daadiyo cuntada qashinka ah ee degmada.

Booqo bogga goobaha qashinka la geeyo eedegmada Ramsey ama bogga goobaha qashinka la geeyo ee Degmada Washington wixii macluumaad dheeraad ah.

Intee in la'eg ayaa laga rabaa inay noqoto bacda cuntadayda hadhaaga?

Bacaha qashinka cuntada looma baahna in la buuxiyo ilaa heerka ugu hooseeya si loo kala saaro Waxaan kula talineynaa inaad ka tagto in dheeri ah xagga sare ee bacda si loo hubiyo inay si sax ah u xiran tahay.

Sidee baan u xerin bacda?

U xir afka kore ee bacda cuntada haraaga sidi aad u xiri lahayd buufin. Baro sida loo xiro bacdaada cuntada haraadiga adigoo daawanaya muuqaalkan. Si sax ah u xirista bacaha lagu rido haraaga cuntada waxay gacan ka geysaneysaa xaqiijinta in bacaha iyo waxa ku jira ay si fiican u maraan nidaamka ururinta iyo kala soocida.

Haddii ay kugu adag tahay in aad xirto bacda lagu guro haraaga cuntada, tixgeli inaad dalbato bacaha lagu guro cuntada haraaga ee waaweyn (13-gaaloon) qaybta korena ha marnaato ka hor inta aadan xirin. Tani waxay sahlaysaa in la xiro.

Way igu adag tahay inaan xidho bacda cuntada hadhaaga. Ma leedahay wax talooyin ah si ay u fududaato?

Tixgeli inaad dalbato bacaha cuntada hadhaaga ee waaweyn (13-gaaloon) qaybta korena ha marnaato ka hor intaadan xidhin. Tani waxay sahlaysaa in la xidho.

Maxaan sameeyaa haddii bacda cuntada hadhaagu ay dilaacdo?

Ku rid bacda cuntada hadhaaga jeexantay iyo waxa ku jira bacda cusub ee cuntada hadhaaga oo ku rid gaadhiga qashinkaaga ama weelka qashinka laga gadiyo.

Bacdaydu way soo daadanaysaa. Maxaan sameeyaa?

Si aad uga hortagto in bacda aad ku gurto haraaga cuntada ay si xad dhaaf ah u qoydo, tixgeli waxyaabaha soo socda:

  • Waxaad bacda ama weelka aad ku gurto haraaga cuntada salka u dhigtaa joornaal ama xaashi
  • Qabooji haraaga cuntada inta aad ururineyso
  • Si joogta ah u beddel bacda aad ku gurto haraaga cuntada, xitaa haddii aanay buuxin (u xisaabi ilaa toddobaadkii hal mar)
  • Haraagaaga cuntada ku aruuri baaldi qashin bac la’aan oo ku shub bacda lagu guro haraaga cuntada marki aad diyaar u tahay in aad ku rido haanta ama weelka qashinka

Cuntadaada ka daadi dareerayaasha dheeraadka ah ka hor inta aadan ku gurin bacda lagu guro haraaga cuntada. Tusaalooyinka cuntada daadashada keeni karta waxaa ku jiri kara suugada baastada, maraqa ama waxyaabaha caanaha laga sameeyo sida caanaha la fadhiisiyay ama ciirta. Qoyaanka ku yaala bacda aad ku gurto haraaga cuntada waa wax caadi ah oo kama dhigna in bacdaadu dillaacsan tahay. Hase yeeshee, haddii bacda aad ku gurto haraaga cuntada ay dillaacsan tahay, bacda dillaacsan geli bac kale oo cusub oo midda haraaga cuntada lagu guro ah, afka ka xir oo dhex dhig haantaada ama weelkaada qashinka si loo qaado.

Haddii aad la kulanto arrin xaga wax soo saarka ah ee bacaha qashinka cuntada, fadlan kala xidhiidh adeegga macaamiisha 651-661-9393 ama buuxi foomka xidhiidhka si aad u hesho caawimo.

Ma isticmaali karaa bacaha kale ee la burburin karo?

Maya, Waa inaad isticmaashaa bacaha Food Scraps Pickup Program ee ay ku siiyeen degmooyinka Ramsey iyo Washington kuwaas oo loogu talagalay inay xajiyaan qashinka inta lagu jiro safarka baabuurka qashin laguna ogaado mishiin iyaga ka sooci doona qashinka. Bacaha kale ee lagu iibiyo dukaamada ama onlaynka looma aqoonsan doono kala soocida waxaana laga yaabaa in aanay u adkaysan safarka gaadhiga qashinka ah.

Ma gelin karaa bacaha yar ee la burburin karo gudaha bacaha waaweyn ee la burburin karo?

Haa, laakiin bacaha waa inay ahaadaan kuwo shahaadada BPI leh oo lagu ridaa bacda hadhaaga cuntada ee uu bixiyo Food Scraps Pickup Program ee lagu ururiyo. Bacaha waxaa kaliya laga sooci doonaa qashinka haddii ay ku dhex jiraan bacaha qashinka cuntada lagu rido ee degmadu bixiso. Haddii aad iibsato bacooyin kale, ka fiiri calaamadda shahaadada BPI sida sawirka hoos ka muuqda.

Ma fiican tahay in bacaha qashinka cuntada la dhax galiyo bacaha qashinka caadiga ah?

Maya. Bacaha lagu guro haraaga cuntada lama aqoonsan doono in laga sooco qashinka haddii ay ku jiraan bacda qashinka caadiga ah. Bacaha lagu guro haraaga cuntada waxaa lagu ridayaa gudaha haantaada ama weelkaada qashinka, LAMA saarayo daboolka dushiisa.

Sidee baan u kaydiyaa bacaha ka hor inta aan la isticmaalin?

Bacaha qashinka cuntada ee aan la isticmaalin waa in lagu kaydiyaa meel qabow oo qallalan. Qoyaanka iyo kuleylka xad-dhaafka ah ayaa dhaawici kara bacaha lagu rido haraaga cuntada. Waxaa lagugula talinayaa inaad isticmaasho bacaha qashinka cuntada muddo sanad gudaheed ah laga bilaabo taariikhda aad dalbatay.

Goorma ayay bacaha cuntadu hadhaagu dhacaan? Maxaan ku sameeyaa bacaha waqtigoodu dhacay ee lagu rido haraaga cuntada?

Waxaa lagugula talinayaa inaad isticmaasho bacaha qashinka cuntada muddo sanad gudaheed ah laga bilaabo taariikhda aad dalbatay.

Bacaha haraaga cuntada ee dhacay waxa lagu ridi karaa bacda qashinka cuntada ee aan dhicin waxaana lagu ridi karaa qashinkaaga si aad u ururiso. Waxa kale oo aad keeni kartaa bacaha haraaga cuntada ee dhacay goobta bulshada oo ku rid sanduuqa qashinka cuntada.

Maxaan ku sameeyaa bacaha qashinka cuntada ee aan la rabin?

Food Scraps Pickup Program ma aqbalo soo celinta. Sii bacaha haraaga cuntada ee aanad rabin saaxiib ama xubnaha bulshada ka tirsan oo u qalma ka qaybgalka barnaamijka, si loo isticmaalo.

Haddii aan haysto jawaab celin barnaamijka, halkee baan ku siin karaa?

Waan soo dhaweyneynaa talooyinkaaga! Fadlan u isticmaal foomka xiriirka in aad nagu siiso jawaab-celinta.

Weli su'aalo miyaad qabtaa?

Fadlan khadka adeegga macaamiisheena ka wac 651-661-9393, isticmaal sanduuqeena wada-sheekeysiga ama buuxi foomka xiriirka si aad u hesho caawimada wixi su’aalo dheeraad ah.